8 tegundir ofurfæðu sem koma þér á leiðarenda
Goji berin eru eitt af næringaríkustu berjum sem eru til á jörðinni.
Ofurfæða (superfoods) er fæða sem er full af vítamínum, næringarefnum og steinefnum en inniheldur minna af kaloríum en nokkur annar matur. Ofurfæðan er einnig sú fæða sem hefur meiri næringu en gengur og gerist.
Á vefsíðunni Mind Body Green má finna 8 tegundir ofurfæðu sem léttir lundina og eykur orku.
Maca-duft. Maca-duft er unnið úr maca-rótinni sem kemur frá Perú. Maca-rótin vex ekki í hvaða loftslagi sem er þannig að hún er þurrkuð og gerð að dufti sem er svo dreift um allan heim. Maca er frábært til þess að koma jafnvægi á hormónastarfsemina og er góð fyrir karlmenn og konur. Maca getur einnig minnkað stress, gefið orku og aukið úthald. Það er einnig ríkt af vítamínum, eins og B-vítamínum, járni, steinefnum, kalki og magnesíum auk þess sem það inniheldur góða fitu og trefjar. Það er hægt að setja duftið út á morgunkornið, út í hafragrautinn, í eftirrétti eða í heilsudrykkinn.
Lífrænt kakó. Það er ekki verið að tala um súkkulaðistykki sem þú finnur í matvöruverslun heldur lífrænt, hreint kakó. Það er hægt að nota baunirnar en þær geta verið ansi beiskar. Kakó er ríkt af andoxunarefnum, magnesíum, járni og sinki. Auk þess er kakó ríkt af amínósýrum sem er talið virka eins og kraftaverk á geðheilsuna.
Chia-fræ. Fræin eru full af trefjum, kalsíum, járni og kalíum. Aðeins ein matskeið af chia-fræjum inniheldur fimm grömm af trefjum. Bættu matskeið af fræjunum í drykkinn þinn eða hafragrautinn. Í chia-fræjum er einnig mikið af C-vítamínum, omega-3- og 6-fitusýrum auk andoxunarefna. Búðu til chia-graut eða settu chia-fræ út í kókosvatn og drekktu.
Kókosvatn. Þetta er einn af bestu drykkjum sem hægt er að innbyrða. Drykkurinn er ríkur af kalki. Einnig er talið að drykkurinn geti dregið úr öldrun húðarinnar. Kjötið í kókosvatninu er einnig ríkt af trefjum og mettaðri fitu. Rannsóknir hafa leitt í ljós að kókosolía styrkir ónæmiskerfið, taugakerfið og húðina. Kókosolía er einnig fullkomin til að nota í matargerð.
Spírúlína eru blágrænir þörungar (blue-grean alge) ræktaðir í ferskvatni. Spírúlína er full af vítamínum og hefur reynst mörgum vel. Í spírúlínu eru einnig 65 prósent af hreinu próteini. Talið er að líkaminn nýti næringarefnin úr spírúlínu betur en úr nokkurri annarri fæðu, að grænmeti meðtöldu. Spírúlína er einnig góð fyrir fólk með meltingarvandamál en hún hjálpar við inntöku næringarefna í líkamanum.
Goji-ber. Berin finnast í Asíu og Ameríku. Þau eru oftast þurrkuð áður en þeim er dreift út um allan heim. Goji-berin eru ein af næringarríkustu berjum sem til eru á jörðinni. Þau eru full af próteini, amínósýrum, B-vítamíni og C-vítamíni. Þau eru einnig rík af andoxunarefnum, sem kemur í veg fyrir öldrun húðarinnar. Berin eru þá sögð bæta sjónina, auka kynorku og bæta ónæmiskerfið. Það er hægt að blanda goji-berjunum í morgunmatinn, drykkinn, setja út á salat eða blanda þeim saman við súkkulaði, þá ertu komin með fullkominn eftirrétt.
Hampfræ og hampolía. Hampfræ eru næringarrík og sérlega bragðgóð fræ. Fræin innihalda hærra hlutfall prótína en flest önnur fræ og gott hlutfall omega-3- og omega-6-fitusýra sem eru mikilvægar fyrir starfsemi heilans. Einnig eru hampfræin og olían talin styrkja ónæmiskerfið. Fræin eru tilvalin út á grautinn eða ávaxtasalatið nú eða í drykkinn.
Hörfræ og hörfræsolía. Í olíunni og fræjunum er mikið af omega-3-fitusýrum, sem eru, eins og áður hefur komið fram, nauðsynlegar til að halda heilsunni en líkamar okkar framleiða ekki omega-3-fitusýrur af sjálfu sér. Vandamálið er að meirihluti fólks innbyrðir of mikið af omega-6-fitusýrum en of lítið af omega-3. Það verður að vera jafnvægi á milli þessara tveggja tegunda. Omega-3-fitusýrurnar eru góðar til að koma í veg fyrir sjúkdóma eins og hjartasjúkdóma, háan blóðþrýsting eða heilablóðfall.
Kókosvatnið er ríkt af kalsíum.
